تليفوني القديم
أول حاجه امتلكها فحياتي
عاش معايا 3 سنين ثانوي
رغم إنه مهكع و بطاريه بتفصل كل اربع ساعات
إلا أنى عمري ما فكرت ارميه أو ابيعه
في حاجات كده ، تحسها عاشرتك فتره من عمرك
ومبقاش ينفع تتعامل زى اى جهاز خلص عمره الافتراضي
رغم ان ذاكرته شبه فاضيه
الا انى كل ما بشوفه بضحك
بفتكر ايام ما كان احسن اختراع بعد الكهربا بالنسبالي
و هريته صور مسلسل نور
و مقاطع اغاني
انا لحد انهارده فاكره اول اغنيه نزلت عليه
كانت لمستك-عمرو مصطفى
ايام القميص المبمي و الجيبه الكحلي و الشنطه اللى كلها كشاكيل متسطره و متلونه
كان وقتها الموبايل فى المدارس بيتهرب من المدرسات
ولا الحشيش
كنا بنسرق بيه صور لنفسنا من اخر ايام العذاب
وقتها كانت الثانويه هى نهايه الجحيم بالنسبالي
و يا هبقى بعدها حاجه يا ولا حاجه
ايام ما كان اقصى انحراف ممكن أعمله
هو انى اخد معايا السماعات و ازوغ من حصه الجولوجيا
و اطلع اسمع الراديو ع السلم و ارسم فى الكراسه بتاعتي
انا لسه عندى فيديو متصور بالموبايل ده
من أولى ثانوى ... يعنى من 7 سنين
للفصل بتاعى اللى كان فيه 98 طالبه ...يوم مسابقه انضف فصل!
أول حاجه امتلكها فحياتي
عاش معايا 3 سنين ثانوي
رغم إنه مهكع و بطاريه بتفصل كل اربع ساعات
إلا أنى عمري ما فكرت ارميه أو ابيعه
في حاجات كده ، تحسها عاشرتك فتره من عمرك
ومبقاش ينفع تتعامل زى اى جهاز خلص عمره الافتراضي
رغم ان ذاكرته شبه فاضيه
الا انى كل ما بشوفه بضحك
بفتكر ايام ما كان احسن اختراع بعد الكهربا بالنسبالي
و هريته صور مسلسل نور
و مقاطع اغاني
انا لحد انهارده فاكره اول اغنيه نزلت عليه
كانت لمستك-عمرو مصطفى
ايام القميص المبمي و الجيبه الكحلي و الشنطه اللى كلها كشاكيل متسطره و متلونه
كان وقتها الموبايل فى المدارس بيتهرب من المدرسات
ولا الحشيش
كنا بنسرق بيه صور لنفسنا من اخر ايام العذاب
وقتها كانت الثانويه هى نهايه الجحيم بالنسبالي
و يا هبقى بعدها حاجه يا ولا حاجه
ايام ما كان اقصى انحراف ممكن أعمله
هو انى اخد معايا السماعات و ازوغ من حصه الجولوجيا
و اطلع اسمع الراديو ع السلم و ارسم فى الكراسه بتاعتي
انا لسه عندى فيديو متصور بالموبايل ده
من أولى ثانوى ... يعنى من 7 سنين
للفصل بتاعى اللى كان فيه 98 طالبه ...يوم مسابقه انضف فصل!
No comments:
Post a Comment